SAHAR

Yəmənin xəbər dairələri bildiriblər: Təcavüzkar səudiyyə qüvvələri Yəmənin qərbində əl-Hüdəydə vilayəti elektrik stansiyasına aid dizel yanacağı daşıyan bir tankeri oğurlayıblar.

Əl-Aləm televiziyasının məlumatına görə, təcavüzkar səudiyyəlilər əl-Hüdəydə vilayətinin elektrik stansiyasına aid dizel yanacağı daşıyan bir tankeri saxladıqdan sonra, onun istiqamətini Birləşmiş Ərəb Əmirliklərinin əl-Fücəyrə limanına doğru dəyişiblər. 

Bundan öncə Yəmənin Ali Siyasi Şurasının sədri Saleh əl-Səmad ABŞ, İngiltərə, Səudiyyə Ərəbistanı və Birləşmiş Ərəb Əmirliklərinin Yəmənə nəzarət etməyə cəhd etdiklərinə toxunaraq bu təcavüzkarlara xitabən deyib: Dünya 4 ölkənin təcavüzkar olduğuna inanan Yəmən xalqının səsini eşitməlidir. 

Səudiyyə Ərəbistanı və ona bağlı təcavüzkarlar Yəmənə davamlı və gündəlik şəkildə hücumlar etmək, infrastrukturları dağıtmaqdan əlavə, bu ölkə vətəndaşlarına təzyiq göstərmək üçün onları mühasirəyə alıb və ilkin maddələr, yanacaq və dərman preparatlarının Yəmənə getməsinin qarşısını alırlar. 

Səudiyyə Ərəbistanının Yəmənə hücumları nəticəsində 12 mindən çox yəmənli həlak olub, azı 3 milyon nəfər didərgin düşüb, eləcə də bu ölkənin infrastrukturlarına ciddi şəkildə ziyan dəyib.