Qətər BMT-nin Təhlükəsizlik Şurasına və bu təşkilatın baş katibi Antonio Quterreşə məktub göndərərək, Misirin hərəkətlərindən şikayət edibdir.

Əlaləm telekanalının məluamtına görə, Qətər bu məktubda bildirib: Misir BMT-nin Təhlükəsizlik Şurasına üzvlüyündən öz siyasi hədəflərini həyata keçirmək üçün sui-istifadə edir və Misirin xas siyasi hədəflərinin BMT-nin Təhlükəsizlik Şurasının və onun komitələrinin fəaliyyətlərilə heç bir əlaqəsi yoxdur.

Qətər dövləti bu məktubda habelə bildirib: Misir Təhlükəsizlik Şurasının qeyri-daimi üzvü kimi Qətərə qarşı əsassız və qeyri-real ittiham və iddialar irəli sürübdür ki, Misirin bu hərəkətləri BMT-nin və Təhlükəsizlik Şurasının adi fəaliyyətlərinin aşkar şəkildə pozulması deməkdir. 

Qətər bu məktubda sonra belə qeyd edib: Misirin bu ölkənin xas siyasi hədəflərinin reallaşması üzrə səyləri BMT Təhlükəsizlik Şurasının rəftarı və onun beynəlxalq sülh və təhlükəsizliyin qorunması sahəsindəki roluna mənfi təsir göstərir.

Qətərin BMT-dəki daimi nümayəndəsi Əlya Əhməd bin Seyf Ali-Sani bu məktubu iyul ayının sonlarında BMT-nin baş katibi və Təhlükəsizlik Şurasının sədrinin ixtiyarına qoyub, amma onun detalları dünən ifşa olunubdur.