Suriya parlamentinin sədri deyib: İsrail rejiminin Dəməşqin ətrafında Suriya ordusunun bir hərbi bazasına olan son hücumu İsrailin Suriya ordusunun terrorçular üzərində qələbə çalmasına mane olmaq istiqamətində atılmış bir addım idi.

İRNA-nın məlumatına görə, Suriya Parlamentinin sədri Həmudə Səbbağ Rusiyanın Sankt Peterbuq şəhərində keçirilən Ümumdünya Parlamentlərarası Birliyin 137-ci iclasında etdiyi çıxışında deyib: Suriya ordusu və müttəfiq qüvvələrin hər dəfə terrorçular üzərində qələbə çaldığı zaman, terrorçuları himayə edənlər Suriya ərazisinə təcavüz etməklə beynəlxalq qanunları pozur və terrorçuların köməyinə tələsirlər. 

Suriya Parlamentinin sədri İsrailin terrorçuları hərtərəfli formada himayə etməsinə işarə edərək, deyib: İsrail rejimi və terrorçuları himayə edən digər tərəflərin əlləri Suriya xalqının qanına bulaşıb. 

İsrail rejimi bazar ertəsi günü Dəməşqin ətrafında yerləşən Suriya ordusunun bir hərbi bazasını bir neçə ədəd raket ilə hədəfə alıb. 

İsrail davamlı olaraq terrorçuları himayə edir və Suriya ordusunun mövqelərinə zərbələr endirir.