SAHAR

İraq Kürdüstanının Səhiyyə İdarəsinin rəisi ötən gecə baş vermiş zəlzələdə ölənlərin sayının 7 nəfərə, yaralıların sayının isə 300 nəfərə çatdığını bildirib.

Fars Xəbər Agentliyinin verdiyi məlumata görə, Rikot Həmə Rəşid deyib: Zəlzələ nəticəsində ölənlərin sayı 7 nəfərə çatıb. Həlak olanlardan 4-ü Dərbəndixan, 2-si Kərəmiyan, biri isə Süleymaniyə məntəqələrinin sakinləridir. 

İraq Kürdüstanı Səhiyyə İdarəsinin rəisi həmçinin deyib: 321 nəfər müalicə olunmaq üçün xəstəxanaya yerləşdirilib. Onlardan 120 nəfərinin vəziyyəti ağırdır. 201 nəfər isə yüngül xəsarətlər alıb.