SAHAR

İraq Kütləvi İnformasiya Vasitələri Mosulun qərbində Tələfərin şimal-şərqində bir kənddə İŞİD-in partlayıcı qurğu quraşdırılmış avtomobilinin zərərsizləşdirilməsindən xəbər veriblər.

Mehr İnformasiya Agentliyinin Əs-Süməriyyəyə istinadla verdiyi məlumata görə, İraq KİV-i bildirib: İraq qüvvələri Tələfərin şimal-şərqində Boxor kəndində İŞİD-in bomba quraşdırılmış bir ədəd avtomobilini zərərsizləşdiriblər.

Ötən gün də İraq KİV-i Neynəva vilayətinin Baduş bölgəsində İŞD terrorçularının hücumunun zərərsizləşdirildiyini bildiriblər.

Mosul 10 iyul 2017-ci il tarixində İraq ordusu və Həşdüş-Şəəbi qüvvələrinin əməkdaşlığı ilə İŞİD terror qruplaşmasının işğalından azad edildi.