Ali-Xəlifənin repressiyaları davam edir
-
Ali-Xəlifənin repressiyaları davam edir
Ali-Xəlifə rejiminin hərbçiləri 85-ci həftə olaraq Bəhreyn şiələrinin Əlduraz məntəqəsində cümə namazı qılmalarına mane olublar.
Bəhreyn medialarının bildirdiklərinə görə, Ali-Xəlifənin bu hərəkətinin ardınca bəhreynlilər tərəfindən Əlduraz məntəqəsində bu rejimə qarşı geniş aksiya keçirilib.
Aksiya iştirakçıları şüarlar verərək, Ali-Xəlifənin düşmənçilik hərəkətlərini pisləyiblər.
Aksiyaçılar habelə Bəhreyn şiələrinin tanınmış rəhbəri Şeyx İsa Qasim ilə həmrəylik şüarları veriblər. Onlar bu din xadiminə qarşı repressiyalara tez bir zamanda son qoyulmasını istəyiblər.
Ali-Xəlifə rejimi 2016-cı ilin iyun ayında Şeyx İsa Qasimin vətəndaşlığını əlindən alıb, onu mühakimə edərək, bu din aliminin yaşadığı Əlduraz məntəqəsini mühasirəyə alıbdır.
Bəhreyn 2011-ci ilin 14 fevralından Ali-Xəlifə rejiminə qarşı xalq etirazları səhnəsidir. Bəhreyn xalqı öz ölkəsində azadlıq, ədalətin bərqərarı, ayrı-seçkiliyin aradan götürülməsi və seçilmiş bir hökumətin hakimiyyətə gəlməsini istəyir.
