“Həbs olunmuş səud qadınlar” adlı vebsayt ərəbistan məhbəslərində qadınların durumu barədə nigaranedici məlumatlar yayıb.

“Həbs olunmuş səud qadınlar” vebsaytı twitter-də bir bir yazı verərək belə qeyd edib: Ərəbistan həbsxanalarındakı səud qadınlara ağır işgəncələr verilir. Qərb dünyası da səud hökmranları tərəfindən həyata keçirilən bu repressiyalara əsla məhəl qoymur.

Beynəlxalq Amnistiya Təşkilatı indiyədək bir neçə bəyanat yayaraq, səud hökmranlarından istəyibdir ki, insan haqlarının ərəbistandakı vəziyyəti barədə izahat versinlər və bu ölkənin fəalları və hüquqşünaslarını xəfiyyə qüvvələrinin repressiyalarına məruz qoymasınlar.

Səud dövləti son aylarda insan haqları sahəsində onlarla qadın fəalı həbs edərək, onları ölkənin maraqlarına zərər vurmaq, xəyanət, həmçinin xaricdəki düşmən ünsürlərə maliyyə və mənəvi dəstək verməkdə ittiham edibdir.