Sİonist rejim hərbçiləri bu gün (cümə) Qüds şəhərində fələstinli bir gənci iki sionistə hücum etmək bəhanəsi ilə şəhid ediblər.

MƏA xəbər agentliyinin bildirdiyinə görə, sionist rejimin Qüds və Əl-Əqsa məscidinə qarşı təcavüzlərinin artdığı bir vaxtda İsrail mediaları bildiriblər: Fələstinli bir gəncin "Nablos qapısı" məntəqəsində habelə, Qüds şəhərinin "Amud Qapısı" məntəqəsində həyata keçirdiyi iki müqavimət əməliyyatı zamanı iki sionist xəsarət alıb. Yaralılardan birinin vəziyyəti ağır elan olunub. 

Bu əməliyyatın ardınca sionist rejim hərbçiləri fələstinli gəncə tərəf atəş açaraq, onu yaralayıblar. Daha sonra fələstinli gənc yaralarının ağırlığı üzündən şəhid olub. 

Bu əməliyyatın ardınca sionist rejim hərbçiləri Qüdsün qədim hissəsinin qapılarını və Əl-Əqsa məscidinin qapılarını bağlayaraq, fələstinllərin məscidə daxil olmasına mane olublar.