Suriyanın BMT-dəki daimi nümayəndəsi vurğulayıb ki, işğal olunmuş Cövlan Suriyanın ayrılmaz hissəsi sayılır və onun qanuni yolla geri qaytarılması Dəməşqin prioritetlərindən olacaq.

Bəşşar Əlcəfəri BMT-nin Təhlükəsizlik Şurasının Yaxın Şərqin durumu barədəki iclasında əlavə edib: BMT-nin əsasını qoyan ölkələr bu təşkilat təsis olunarkən ölkələrin daxili işlərinə müdaxilənin rədd olunması, ölkələr arasında bərabərlik və onların hakimiyyətlərinin möhtərəm sayılması başda olmaqla beynəlxalq hüququn əsaslarına söykənməyə təkid etdilər.

O, bəzi güclərin bu beynəlxalq orqana bir alət kimi baxmalarını tənqid edərək, əlavə edib: Bir qrup nüfuzlu Qərb ölkəsi BMT-yə yiyələnməyə çalışaraq, onu öz yolundan yayındırıb və öz hegemonçuluq layihələrinə xidmət üçün bir vasitəyə çeviribdir.

Əlcəfəri qeyd edib ki, bölgənin ərəb xalqları daim bu düşmənçilik hərəkətlərinin və saxta böhranların qurbanları olublar və indi də olurlar.