Cinayətkar rejimin vəhşiliyi öz təsdiqini tapır
Qəzzədə 5 mindən çox uşaq şəhid edilib
Dek 02, 2023 15:23 Asia/Baku
BMT-nin Uşaq Fondu – UNICEF Qəzzədə neçə fələstinli uşağın şəhid olduğu haqqında hesabat təqdim edib.
Hesabatda deyilir ki, atəşkəsdən əvvəl 48 gün davam edən davamlı bombardmanlarda 5.300-dən çox fələstinli uşaq şəhid olub və bu rəqəmə hələ də itkin düşən və dağıntılar altında qaldığı güman edilən çoxlu uşaq daxil deyil.
Hesabatda qeyd olunub ki, əgər münaqişə əvvəlki miqyasına və intensivliyinə qayıdarsa, hər gün daha yüzlərlə uşağın öləcəyini və yaralanacağını güman etmək olar.
UNICEF-in hazırdadığı hesabatda həmçinin bildirilir ki, bu gün Qəzzə yenidən uşaqlar üçün ən təhlükəli yerdir. Qış da artıq qapının astanasındadır.
