Həmas İslam dünyasını Qəzzə zolağını xilas etməyə çağırıb
Həmas hərəkatı ərəb və İslam dünyalarını Qəzzəni qıtlıqdan və məhvolmadan xilas etmək üzrə məsuliyyətlərini üzərlərinə götürməyə və dərhal hərəkətə keçməyə çağırıb.
Həmas bu çağırışı sionist rejimin keçidləri bağlaması və Qəzzə zolağına yardımların girişini əngəlləməsindən irəli gələn yanacaq və ərzaq çatışmazlığından sonra çörəkxanaların işinin dayanmasından sonra edib.
Həmas bildirib ki, çörəkxanaların fəaliyyətlərinin dayanması, sionist rejimin törətdiyi soyqırımın təhlükəli şəkildə şiddətlənməsi deməkdir.
Hərəkat vurğulayıb ki, Qəzzə praktiki olaraq, qıtlıq mərhələsinə daxil olub və bu bölgə müasir tarixdə ən pis insan faciələrindən biri ilə üzləşir.
Həmas yaydığı bəyanatda bildiribdir ki: Aclıq, vəhşicəsinə müharibədə birbaşa silaha çevrilib. Sözügedən müharibə fələstinlilərin həyatı, ləyaqəti və müqavimətini hədəfə alıb. Martın ikisindən bəri düşmən keçidləri bağlamaq, həmçinin su, ərzaq, dərman və tibb ləvazimatlarının girişini əngəlləməklə öz təcavüzünü şiddətləndiribdir.
Bəyanatda sonra deyilir: Sonuncu çörəkxanalar da bildirdilər ki, Qəzzədə unun tam şəkildə bitməsindən sonra öz fəaliyyətlərini həmişəlik olaraq dayandırıblar. Bu, o deməkdir ki, bu bölgə praktiki olaraq, müasir tarixdə ən pis insan faciələrindən biri olan qıtlıq mərhələsinə daxil olub.
Həmas vurğulayıb ki, bu cinayət, işğalçıların heç bir çəkindiricilik və ya cavabdehlik olmadan törətdikləri soyqırım cinayətinin təhlükəli surətdə şiddətlənməsi deməkdir.
