Əl-Əzhər Netanyahunun müharibə canisi kimi həbs edilməsini istəyib
Misirdə yerləşən Əl-Əhzər dini mərkəzi sionist rejimin baş naziri Benyamin Netanyahunun müharibə canisi kimi həbs və mühakimə olunmasını istəyib. Qeyd edib ki, əks halda, meşə qanunu hakim kəsiləcək.
Haaqa Məhkəməsi tərəfindən təqib edilən sionist rejimin baş naziri Benyamin Netanyahunun Macarıstan tərəfindən qarşılanmasından sonra Əl-Əzhər dini mərkəzi Beynəlxalq Cinayət Məhkəməsini zəiflətmək və ya onun təmizliyinə xələl gətirmək məqsədilə atılacaq hər hansı addımı kəskin tərzdə pisləyib.
Əl-Əzhər nəzarət mərkəzi ekstremizmlə mübarizə istiqamətində yaydığı bəyanatda əlavə edib: Beynəlxalq Cinayət Məhkəməsi “beynəlxalq ədalət mərkəzi”dir və dünya ictimaiyyəti müharibə cinayətkarlarını cavabdeh etmək üçün bu mərkəzə dəstək verməlidir.
Beynəlxalq qətnamələrin yerinə yetirilməsi və müharibə canilərinin mühakimə edilmələri, sülh və ədalətin yaradılmasının təməl daşıdır- deyən Əl-Əzhər nəzarət mərkəzi vurğulayıb: İnsanlar qanun qarşısında bərabərdirlər. Hüquqlara təcavüz və ya insanların həyatlarına əhəmiyyət verilməməsinə yer yoxdur, əks halda, meşə qanunu hakim kəsiləcək.
Əl-Əzhər dini mərkəzi sonra belə qeyd edib: Susmağa vaxt yoxdur, zira, sükut, yeni cinayətin başlanğıcıdır. Qəzzə, gələcək bir faciə üçün bir müqəddimədir. Nəticə, eynidir, yəni, qan töküləcək, beynəlxalq böhranlar daha da pisləşəcək. Əzab-əziyyət xətləri günahsız insanların qanları ilə yazılacaq.
Bəyanatda daha sonra deyilir: Son hadisələrə əsasən, dünya ictimaiyyəti və bəşəriyyət bizi beynəxalq ədalət mexanizmlərinin dəyərləndirilməsinin yenidən nəzərdən keçirilməsi və onların təsir gücünün artırılması üçün ciddi düşüncəyə vadar edən əsas dönüş nöqtəsi ilə üzləşir .
