Macar hökuməti ciddi səhvə yol verdi
Netanyahu BCM-nin qərarını ələ salır!
Sionist İsrail rejiminin baş naziri Macarıstana səfəri zamanı Beynəlxalq Cinayət Məhkəmsini (BCM) tənqid edib və Macar hökumətinin məlum qərara məhəl qoymayaraq məhkəmədən çıxmaq istəyini alqışlayıb.
Bu səfər və Macarıstanın Netanyahunun həbs qərarına reaksiyası təkcə beynəlxalq hüquqi çağırışları nümayiş etdirmir, həm də Beynəlxalq Cinayət Məhkəməsinin və qlobal miqyasda insan haqları prinsiplərinin etibarlılığına ciddi təsir göstərir. Görünür, bəzi ölkələr insan haqları prinsiplərini dəstəkləməyə çalışsa da, digərləri sadəcə olaraq bu prinsiplərə məhəl qoymaq istəmirlər.
Netanyahunun Macarıstana səfəri Beynəlxalq Cinayət Məhkəməsinin 2024-cü ilin noyabrında müharibə cinayətləri ittihamı ilə onun barəsində həbs qərarı çıxarmasından sonra baş tutub. Macarıstan Məhkəmənin üzv dövlətlərindən biri kimi bu qərarı icra etməkdən açıq şəkildə imtina edib və Məhkəmədən çıxacağını açıqlayıb.
Macarıstanın bu hərəkətinə və Netanyahunun səfərinə Avropa İttifaqının rəsmiləri və insan haqları təşkilatları mənfi reaksiya veriblər.
Macarıstan 2001-ci ildən Beynəlxalq Cinayət Məhkəməsinin üzvüdür.
Məhkəmənin sözçüsü vurğulamışdır ki, üzv dövlətlər bu qurumun yurisdiksiyasını birtərəfli qaydada şübhə altına ala bilməzlər.
Maraqlıdır ki, Qəzzə zolağında fələstinlilərə qarşı soyqırımının müəllifi olan uşaq qatili, Benyamin Netanyahu Beynəlxalq Cinayət Məhkəməsini “korrupsioner məhkəmə” kimi xarakterizə edib. Lakin bir şey məlumdur ki, qaniçən rejimin başçıları nəhayət bir gün ədalət məhkəməsinin qarşısına çıxarılacaqlar. Bu, tarixin hökmüdür və Netanyahunu da alman faşistlərinin aqibəti gözləyr.
