HƏMAS: Sionist rejim başçıları mühakimə olunmalıdır; Qəzzədə 19 min uşaq şəhid olub
Fələstin İslami Müqavimət Hərəkatı HƏMAS 5 aprel Fələstinli Uşaqların Müdafiəsi Günü münasibətilə yaydığı bəyanatda uşaqları qorumağa və sionist rejim başçılarını mühakimə etməyə çağırıb.
HƏMAS-ın bəyanatında deyilir: Zaman keçdikcə sionist rejimin fələstinli uşaqlara qarşı cinayətləri dayanmayıb və biz rejim başçılarının mühakimə olunmasını tələb edirik.
Hərəkat davamında deyib: "Qəzzəyə qarşı soyqırım müharibəsi başlayandan bəri 19 min fələstinli uşaq şəhid olub, 39 min uşaq isə valideynlərindən birini və ya hər ikisini itirib.
Bu arada Qəzzə Səhiyyə Nazirliyi də sionist rejimin Zolaqdakı yeni cinayətlərinə işarə edərək, bildirib ki, son sutkada bu bölgədə 60 nəfər şəhid olub və Əl-Əqsa Tufanı əməliyyatı başlayandan bəri şəhidlərin sayı 50 min 669 nəfərə çatıbdır.
