Fələstin İslami Müqavimət Hərəkatı- Həmas bu gün bir bəyanatda ABŞ dövlət departamentinin Həmas-ın Qəzzə əhalisinə qarşı hücum niyyətində olmasına dair ittihamlarını kəskin tərzdə pisləyib.

Bəyanatda deyilir: Bu yalan iddialar ABŞ dövlət departamentinin ifadələri və sionist rejimin yayındırıcı təbliğatları çərçivəsində irəli sürülərək, Fələstin xalqına qarşı təcavüzlərini davam etdirməsi istiqamətində qəsbkar rejim üçün siyasi çətir sayılır.

Bəyanatda sonra deyilir: İsrail rejiminin başçılarının özləri/ cinayətkar bandalar yaradıb və onları silahlandırıblar. Fələstinli mülkilərə təcavüz və humanitar yardımları qarət edən bu bandalar fələstinliləri oğurlamaq və qətlə yetirməklə məşğuldurlar.

Bu cinayətlər həqiqətən baş verib və sionist medialar bu barədə videolar və əyani etiraflar yayıblar- deyə, Həmas qeyd edib.