Yəmən ordusu Səudiyyə Ərəbistanının sərhəd bölgələrində yerləşən hərbi bazalara və neft obyektlərinə raket zərbələri endirib. Raketlərin hədəflərə dəyməsi ilə eyni vaxtda sərhəd bölgələrində hava hücumu sirenləri işə düşüb.

Eyni zamanda, Səudiyyə Ərəbistanının Yəmənin müxtəlif bölgələrinə hava hücumları davam edib və ölkənin bir sıra əraziləri hücumlara məruz qalıb.Səudiyyə Ərəbistanı Yəmənə qarşı müharibəyə başladıqdan sonra bu ölkəni quru, hava və dəniz blokadasına alıb. ABŞ-nin dəstəyi ilə bu blokada daha da sərtləşdirilib.Bu hərəkətlərə cavab olaraq, Yəmənin Silahlı Qüvvələri Səudiyyə Ərəbistanının mövqelərinə və onun dəstəklədiyi qüvvələrə qarşı əməliyyatlar həyata keçirib. Bu əməliyyatlar strateji ərazilərin geri qaytarılmasına, eləcə də Yəmən qüvvələrinin sahil bölgələrinin və regionun mühüm su yollarının bəzi hissələri üzərində nəzarətinin genişlənməsinə səbəb olub.Yəmən qüvvələri bir sıra strateji adaları da geri alaraq dünyanın ən mühüm gəmiçilik marşrutlarından biri sayılan Babül-Məndəb boğazındakı mövqelərini daha da gücləndiriblər.