Türkiyənin Suriyanın şimal-qərbində Afrin şəhərinə hücumunda həlak olan və yaralananların sayı 172 nəfərə çatıb.

Kürd dairələri bildirirlər ki, Türkiyənin hava hücumları Cəlmə, Bülbül və Cəndəris kəndlərində sivillərin mənzillərini hədəf alıb. Digər tərəfdən Rusiyanın Suriyadakı barışıq mərkəzi ötən sutka ərzində Afrin şəhərinin 700-dən çox sakininin didərgin düşdüyünü bildirib.

Bəzi Kütləvi İnformasiya Vasitələrinin Türkiyənin Afrin əməliyyatının uğurlu keçdiyini qeyd etmələrinə rəğmən, Afrin şəhəri əhalisi öz torpaqlarına sadiq qaldıqlarını və normal həyatın qayıtmasını vurğulayırlar.