Türkiyə Mərkəzi Bankının valyuta ehtiyatları azalıb
Türkiyə Mərkəzi Bankının ehtiyatları son 20 ildə kəskin şəkildə azalıb.
SəhərAzəri-nin məlumatına əsasən, Türkiyə Mərkəzi Bankının xalis valyuta ehtiyatları dekabrın 31-də 8,3 milyard dollara düşüb.
Bu göstərici dekabrın 24-də 8,6 milyard dollar olub.
Bu ehtiyatların azalması 2020-ci ildən intensivləşib və hazırda 2002-ci ildən bəri ən aşağı səviyyəyə enibdir.
Türkiyə son aylarda lirənin görünməmiş devalvasiyası ilə üzləşib və bu ölkə prezidenti prezident Rəcəb Tayyib Ərdoğanın lirənin dollar qarşısında dəyər itirməsinin xalqa vurduğu ziyanları kompensasiya etmək cəhdləri indiyədək nəticəsiz qalıb.
Lirənin dəyər itirməsi, inflyasiya və bunların nəticəsində xalqın daha da yoxsullaşması Rəcəb Tayyib Ərdoğanın reytinqini misli görünməmiş şəkildə aşağı salıb.
