Türkiyədə prezident seçkilərinin ikinci turundan dərhal sonra ucuzlaşmağa başlayan lirə hər gün tarixi minimumunu təkrarlayır.

SəhərAzəri-nin məlumatına əsasən, bu gün Türkiyədə bir dollar 20,87 lirəyə qalxıb. Ötən gün dollar 20,4 lirə idi.

Avro isə 22,54 lirəyə qalxıb.

AKP-nin Türkiyəyə hakimiyyəti dövründə lirənin bu ölkə tarixində misli görünməmiş həddə dəyər itirməsi insanların məişətinə ağır təsir buraxıb. Rəcəb Təyyib Ərdoğanın növbəti 5 il üçün president seçilməsi ərəfəsində təhlilçilər iqtisadi vəziyyətin yaxşılaşdırılmasının heç də asan olmayacağını proqnoz etmişdilər. İndi seçkilərdən sonra Türkiyənin milli valyutasının hər gün dəyər itirməsi bu ölkədə ciddi  nigaranlıqlara səbəb olub.