Yanğınların beynəlxalq hədələri haqda xəbərdarlıq
Ərdoğan: Yanğın məsələsi siyasiləşdirilməməlidir
Türkiyə prezidenti meşə yanğınlarını beynəlxalq bir təhdid adlandırıb.
SəhərAzəri-nin məlumatına əsasən, Rəcəb Təyyib Ərdoğan bir müsahibədə son meşə yanğınları və bu ölkədə oxşar hadisələrin artması barədə deyib ki, yanğın məsələsi siyasiləşdirilməməlidir.
Ərdoğan qeyd edib ki, ötən səkkiz gündə Türkiyədə 187 yanğın hadisəsi baş verib və hal-hazırda on beş yanğın mərkəzi fəal olmaqda davam edir.
Türkiyə prezidenti bildirib ki, meşə yanğınları beynəlxalq bir təhdid olaraq, bütün dünyanın mübarizə apardığı COVID-19 və terror hərəkətləri təhdidləri ilə müqayisə oluna bilər.
Türkiyə Təbii Fəlakətləri İdarəetmə Təşkilatı yanğınlardakı tələfatın sayını indiyədək səkkiz nəfər, bədən xəsarəti alanların miqdarını isə beş yüz nəfər elan edibdir.
Region ölkələri, o sıradan İran, Rusiya, Ukrayna və Azərbaycan Respublikası yanğınsöndürən, həmçinin yanğınsöndürmə təyyarə və vertolyotları göndərməklə Türkiyəyə yardım göstərməkdədirlər.
