İranın Nizam-İntizam Qüvvələri sözçüsü İranın cənub-şərqində yerləşən Sistan və Bəluçestan əyalətindəki terror aktının ciddi şəkildə izlənilməsindən xəbər verib.

İLNA xəbər agentliyinin verdiyi məlumata görə, general Səid Müntəzir Mehdi deyib: Terrorçuların Pakistan ərazisinə qaçması Pakistan dövlətinin məsələyə laqeyd yanaşmasının nəticəsidir və Tehran Pakistanın təhlükəsizlik rəsmilərinin terrorçuların ələ keçirilməsində yaxından əməkdaşlıq etməsini gözləyir.

Çərşənbə günü İranın cənub-şərqində, Sistan və Bəluçestan əyalətində yerləşən Çəkiqur məntəqəsində sərhəd qoşunları ilə terrorçular arasında toqquşmalar baş verib. Bu toqquşmada 4 sərhədçi şəhid olmuşdu.