Region ölkələri İrandan neft təchizatları satın alırlar
Sen 30, 2016 17:45 Asia/Baku
-
Region ölkələri İrandan neft təchizatları satın alırlar
İranın neft nazirinin texnologiya, araşdırma və mühəndislik üzrə müavini İranın neft təchizatlarının Orta Asiya və Fars körfəzi ölkələrinə ixrac edilməsindən xəbər verib.
Məhəmmədrza Müqəddəm bu gün İRNA-ya verdiyi müsahibədə deyib: İranın istehsal etdiyi neft sənayesi avadanlıqlarının bir hissəsi hal-hazırda Orta Asiya və Fars körfəzinin sahilyanı ərəb ölkələrinə ixrac edilir.
Müqəddəm İranda neft təchizatlarının ölkə daxilində və daxili potensiallar hesabına istehsal edildiyini bildirərək deyib: İranlı istehsalçılar ölkənin neft sənayesində ehtiyac olan təchizatların 60-65 faizini təmin edə bilirlər.
İranın neft nazirinin müavini İranda istehsal olunan neft təchizatlarının istehsal dəyərinin 2 milyard dollar olduğunu bildirib.
