SAHAR

İran xarici işlər naziri Kuba inqilabının lideri Fidel Kastronu zülmə məruz qalan xalqların müstəqillik uğrunda mübarizələrinin örnəyi adlandırıb.

İran xarici işlər naziri Məhəmməd Cavad Zərif şənbə günü Kuba inqilabının liderinin vəfatı ilə əlaqədar bu ölkə xalqı və dövlətinə ünvanladığı başsağlığı müraciətində bildirib: Kastro imperializm, müstəmləkəçiliklə mübarizədə nadir şəxsiyyət, eləcə də zülmə məruz qalan xalqların müstəqillik uğrunda mübarizələrinin örnəyi idi.

Kuba İnqilabının lideri Fidel Alexandro Kastro Ruz bu gün səhər 90 yaşında vəfat edib. 

Fidel Kastro Kuba İnqilabına liderlikdən əlavə, 1959-1976-cı illərdə baş nazir, sonra isə 1976-2008-ci illərdə prezident vəzifəsində çalışmışdır.