SAHAR

İranın U-23 qadınlardan ibarət yığma komandası U-23 Asiya Çempionatının ilk matçında Malayziyanı 3:0 hesabı ilə məğlub edib.

İranın Voleybol Federasiyasının məlumatına görə, İranın 23 yaşdan aşağı qadınlar üzrə yığma komandası bu matçda 25:21, 25:23 və 25:16 hesabı ilə qalib gəlib. 

İranın voleybol yığması sabah Yeni Zelandiya yığması ilə qarşılaşacaq. 

Qadınlar üzrə U-23 Asiya Çempionatı 13 ölkənin iştirakı ilə 13-21 mayda Tailandda keçirilməkdədir. 

Bu çempionat eyni zamanda Sloveniyada keçiriləcək Dünya Çempionatının seçmə turu da hesab olunur və çempion və ikinci yeri tutan komandalar dünya çempionatına vəsiqə qazanacaqlar.