İranın Sənaye və Mədənlər Ticarət Palatasının sədri deyib: İpək Yolunun dirçəldilməsi modern şəkildə İranın milli mənafeyinə zəmanət verə bilər.

Mehr İnformasiya Agentliyinin məlumatına görə, İranın Sənaye və Mədənlər Ticarət Palatasının sədri Qulamhüseyn Şafei bu gün Tehranda Asiya Partiyaları Beynəlxalq Konfransının Daimi Komitəsinin 29-cu iclasında İpək Yolu layihəsinin dirçəldilməsinin İranın region ölkələri ilə iqtisadi əlaqələrini genişləndirəcəyini bəyan edərək deyib: Şəhər proqramları, mədəni mübadilələr və iqtisadi proqramlar bu proje sayəsində rövnəqləşir. 

Şafei əlavə edib: İpək Yolu proyektinin icrasında məqsəd iqtisadi sahədə yeni çərçivələrin formalaşması olmuşdur. Belə ki, qədim İpək Yolu yeni enerji əsrində yeni həyat tapa bilsin. İpək Yolu proyektlərinin icrası üçün Çin önəmli investisiya mənbələrdəndir. 

İranın Sənaye və Mədənlər Ticarət Palatasının sədri deyib: Şübhəsiz İpək Yolu məqsədləri, eləcə də dünyanın müxtəlif bölgələrində müxtəlif ölkələrin mənafelərinin reallaşması bütün ölkələrin əməkdaşlığı və potensiallarından istifadəyə bağlıdır. 

Asiya Partiyaları Beynəlxalq Konfransının Daimi Komitəsinin 29-cu iclası, eləcə də "İpək Yolu" 2-ci xüsusi konfransı ötən gün, 25 Asiya ölkəsinin 40 partiya  və siyasi təşkilatlarının rəhbəri, baş katibi və rəsmilərinin iştirakı ilə Tehranda işə başlayıb.