İran İslam Respublikası və Türkiyənin xarici işlər nazirləri ikitərəfli əlaqələr habelə, regional və beynəlxalq məsələləri müzakirə ediblər.

İran İslam Respublikası Xarici İşlər Nazirliyinin mətbuat xidmətinin bildirdiyinə görə, İran və Türkiyənin xarici işlər nazirləri Məhəmməd Cavad Zərif və Mövlud Çavuşoğlu şənbə günü telefon əlaqəsi saxlayaraq, Venesuela olayalarını müzakirə ediblər.

İran və Türkiyənin xarici işlər nazirləri daha sonra iki ölkə arasındakı yaxşı və konstruktuv əlaqələrə işarə edərək, ikitərəfli əlaqələr başda olmaqla, regional və beynəlxalq səviyyəli əməkdaşlıqların genişləndirilməsini hər iki ölkə xalqının milli maraqları habelə, regional və beynəlxalq təhlükəsizliyin möhkəmləndirilməsi istiqamətində olduğunu deyiblər.