Bu gün, ziqədə ayının on biri, dünya şiələrinin səkkizinci imamı Həzrət Əli ibn Musa Əl-Rza(əleyhissəlam)-ın mübarək mövludunun ildönümü günüdür.

SəhərAzəri-nin məlumatına əsasən, O həzrətin mübarək adı, Əli, ən məşhur ləqəbi isə razılıq mənasına gələn Rza-dır.

İmam Rza(əleyhissəlam) Mədinədə möhtərəm atası- İmam Kazim(əleyhissəlam)-ın şəhadətindən sonra insanların hidayətini öz üzərinə götürdü.

O həzrət elə bir elm və biliyə malik idi ki, «Alimi Ali-Məhəmməd(s.ə.s.)» kimi tanınırdı.

İslami İran, xüsusən Məşhəd şəhəri İmam Rza(əleyhissəlam)-ın mövludu günündə nur və sevincə qərq olub.

"Səhər Azəri" telekanalı Həzrət İmam Rza(əleyhissəlam)-ın mövludunun ildönümü günü münasibətilə bütün Əhli-Beyt(ə) aşiqlərini və dünya azadlıqsevərlərini təbrik edir.