İslam İnqilabının Böyük Rəhbəri səadətli Qurban və Qədiri-Xum bayramlarının gəlib çatması münasibətilə ictimai və inqilab məhkəmələri, silahlı qüvvələrin məhkəmə təşkilatı və hökumət sanksiyaları təşkilatının bir qrup məhkumunun əfvi və ya cəzasının azaldılması ilə razılaşıblar.

SəhərAzəri-nin məlumatına əsasən, İranın məhkəmə hakimiyyətinin sədri höccətülislam vəlmüslimin Qulamhüseyn Mohseni-Ejeyi İslam İnqilabının Böyük Rəhbəri Həzrət Ayətullahuluzma Xameneiyə məktubda amnistiya işləri/ əfv və bağışlanma komissiyasında araşdırılıb, şəraitə uyğun müəyyən edilmiş məhkumlardan 2272 nəfərin əfv edilməsi və ya cəzasının azaldılması, yaxud da başqa bir hala dəyişdirilməsi təklifini təqdim edib və bu təklif Əsas Qanunun yüz onuncu maddəsinin on birinci bəndinin icrası istiqamətində İslam İnqilabının Böyük Rəhbəri tərəfindən qəbul edilib.