İranın Ədliyyə Başçısı Qulam-Hüseyn Möhsini-Ejei general-leytenant Qasim Süleymaninin şəhadətinin üçüncü ildönümü münasibətilə 3000 məhbusun əfvlə azadlığa buraxılacağını və edama məhkum edilmiş 16 nəfərin cəzalarının azaldılmasını təsdiqləyib.

Möhsini-Ejei bazar ertəsi günü İranın cənub-şərqində şəhid generalın doğulduğu Kirman şəhərində general Süleymaninin anım mərasimində iştirak edərkən əfv və cəzaların azaldılması ilə bağlı açıqlama verib.

Möhsini-Ejei, 3000 məhbusun yaxın bir neçə gün ərzində və general Süleymaninin 2020-ci il yanvarın 3-də ABŞ hücumunda şəhid olmasının üçüncü ildönümünə həsr olunmuş mərasimlərlə eyni vaxtda azad ediləcəyini söyləyib.

Qərarın general Süleymaninin həyatı boyu ölkədəki imkansızlara kömək etmək üçün göstərdiyi səyləri əks etdirmək üçün qəbul edildiyini deyən Möhsini Ejei, əfv və cəzaların azaldılmasının səhvən törədilmiş cinayət və ya borc ucbatından dəmir barmaqlıqlar arxasında olan şəxsləri əhatə edəcəyini bildirib.