SAHAR

Azərbaycan Respublikası Xarici İşlər Nazirliyi Rusiyada "Dünya Ölkələri" ensiklopediyasında "Dağlıq Qarabağ Respublikası"nın daxil edilməsinə etiraz edib.

Publika.az internet portalının yazdığına görə, Azərbaycan Respublikası Xarici İşlər Nazirliyinin sözçüsü Hikmət Hacıyev Dağlıq Qarabağ münaqişəsində xarici müdaxilənin ehtimalına toxunaraq deyib: Bu məsələ ciddi şəkildə araşdırılır və bu haqda detallar müəyyənləşdikdən sonra məlumat veriləcək. 

Rusiyanın Sankt-Peterburq şəhərində dərc olunan "Dünya Ölkələri" ensiklopediyasında "Dağlıq Qarabağ Respublikası"nın əhalisi 146 mindən çox göstərilib və Qarabağın mərkəzinin əhalisi isə 53 mindən çox qeyd olunub. 

Azərbaycan Respublikası ilə Ermənistan arasında Dağlıq Qarabağ münaqişəsi 1988-ci ildə başlanıb və 1992-ci ildə hərbi müstəviyə keçib. 

Bu münaqişə nəticəsində Azərbaycan Respublikasının Dağlıq Qarabağ və ətraf yeddi rayonu Ermənistan tərəfindən işğal olunub.