SAHAR

İranın Limanlar və Dənizçilik Təşkilatının Anlaşmalar və Bazarın İnkişafı Baş İdarəsinni müdiri Məhəmməd Əli Səidipur və Bakı Beynəlxalq Dəniz Ticarət Limanı QSC-nin baş direktoru Taleh Məhəmməd oğlu Ziyadov iki ölkə arasında dəniz yolu ilə yüklərin daşınmasının artırılmasını vurğulayıblar.

İRNA-nın məlumatına görə, İranın Limanlar və Dənizçilik Təşkilatının Anlaşmalar və Bazarın İnkişafı Baş İdarəsinin müdiri Məhəmməd Əli Səidipur bazar günü axşam Bakı Beynəlxalq Dəniz Ticarət Limanı QSC-nin baş direktoru Taleh Məhəmməd oğlu Ziyadov İranın şimalında yerləşən Astara dəniz limanına baxış keçirərkən deyib: İran və Azərbaycan arasında dəniz yolu ilə yüklərin daşınması inkişaf etməkdədir. 

İran və Azərbaycanın dəniz limanları rəsmiləri arasında yaxşı anlaşmanın olduğunu deyən Səidipur bu məsələnin dəniz yolu ilə yüklərin daşınması sahəsinə əlavə sərmayə qoyuluşuna səbəb olduğunu bildirib. 

Səidipur həmçinin deyib: İran və Azərbaycanın dəniz limanları vasitəsilə turizmin genişləndirilməsi məsələsi də gündəmdə duran məsələlərdəndir və Astara dəmir yolunun Astara dəniz limanına qovuşması ilə iki ölkə arasındakı ticarət mübadiləsinin həcmi də artmış olacaq. 

Bakı Beynəlxalq Dəniz Ticarət Limanı QSC-nin baş direktoru Taleh Məhəmməd oğlu Ziyadov da Astara dəniz limanına baxış keçirərkən deyib: Azərbaycanda 5 dəniz limanı o cümlədən Bakı, Hövsan, Dübəndi, Səngəçal və Ələt limanları Azərbaycan və İran arasında iqtisadi əlaqələrin inkişaf etdirilməsi üçün münasib baza sayılır.