SAHAR

İslam Respublikası Ordusu Quru Qoşunları(İROQQ) komandanı bu qüvvələrin İŞİD-in təhdidlərinə uyğun şəkildə hərbi manevrinin keçiriləcəyindən xəbər verib.

Fars xəbər agentliyinin verdiyi məlumata görə, general Əhməd Rza Purdəstan çərşənbə axşamı jurnalistlər qarşısında deyib: İROQQ-nın yaxın günlərdə Tehranın ətrafında İŞİD-in təhdidlərinə mütənasib anti-terror manevrində helikopterlərdən də istifadə olunacaq.

Əhməd Rza Purdəstan İranın müdafiə potensialının artırılmasının önəminə təkid edərək, əlavə edib: İran İslam Respublikasını müdafiə üzrə nüvə silahları, kimyəvi silahlar və bioloji silahlar istisna olmaqla istənilən növ silahdan istifadə ediləcək.

İran İslam Respublikası ordusunun Quru Qoşunları komandanı İranın İraq və Suriyadakı iştirakı barədə də bildirib ki, bu iştirak hərbi attaşelər səviyyəsindədir.

General Purdəstan İran və Rusiya arasındakı hərbi əlaqələr barədə də deyib: Bu əlaqələr mövcuddur və ilk müqavilə də S300 idi. T90 tanklarının alınması məsələsi də gündəmdə durur.

İİR ordusu Quru Qoşunları komandanı bu qüvvələrin ölkənin sərhəd məntəqələrində yerləşməsi barədə də deyib: Bütün qüvvələr tam hazırlıq vəziyyətinə gətirilib və sərhəd məntəqələr üzrə mütənasib bölgülər aparılıb. Şərq sərhədlərimiz isə çox yaxşı səviyyədə möhkəmləndirilib.