SAHAR

İran İslam Respublikası ordusunun quru qoşunlarının Məhəmməd rəsulullah(s)-4 hərbi təlimlərinin ilk günü uğurla sona çatıb.

İRNA-nın verdiyi məlumata görə, İİR ordusunun quru qoşunlarının həyata keçirdiyi Məhəmmər rəsulullah(s)-4 hərbi təlimlərinin sözçüsü General-Mayor seyid Kamal Peyğəmbəri deyib: Mekran sahillərində ölkənin cənub şərq əlaqə yollarını əhatə edən geniş ərazidə "Heliborne" əməliyyatları bu böyük hərbi təlimlərin ilk mərhələsindən ibarət olub.

Məhəmmər rəsulullah(s)-4 hərbi təlimlərinin sözçüsü deyib: Bu hərbi təlimlərin ilk günündə İranın müxtəlif bölgələrindən əməliyyat zonasına sürətli reaksiya bölmələrinin daşınması ən qısa zamanda hava və quru vasitəsi ilə həyata keçirilmişdir. 

General-Mayor seyid Kamal Peyğəmbəri deyib: Üç gün davam edəcək Məhəmmər rəsulullah(s)-4 hərbi təlimlərinin ilk günündə həmçinin ordunun quru qoşunlarının 55-ci havadan daşınma diviziyası regional qərargahla tam koordinasiyada , təhdid istiqamətlərində maneəçi əməliyyatını 2 saat ərzində tam müvəffəqiyyətlə həyata keçirmişdir ki, bu müddət son dərəcə məqsədə uyğun sayılır.