SAHAR

İran İslam Respublikasının vitse-prezidenti İshaq Cahangiri Hüseyn (ə) ərbəini mərasimində iştirak etmək məqsədilə İraqın Nəcəf-Əşrəf şəhərinə daxil olub.

İRNA-nın məlumatına görə, İran İslam Respublikası prezidentinin birinci müavini cümə axşamı günü Nəcəf-Əşrəfə daxil olarkən dünya şiələrinin birinci imamı Həzrət Əlinin (ə) pak ziyarətgahına gedib.

Cahangiri Əmirəlmömininin ziyarətgahını ziyarət etdikdən sonra Hüseyn (ə) ərbəini zəvvarlarına qoşulacaq.

Ziyarətgahın böyüdülməsi və abadlıq layihələri, Hüseyn (ə) ərbəini zəvvarları üçün yaradılan imkanlarla yaxından tanış olmaq İranın vitse-prezidentinin Nəcəf-Əşrəf şəhərinə səfərinin digər proqramlarındandır.