SAHAR

Suriyanın Deyrəzzur vilayətinin şərqində yerləşən Əl-Bukamal şəhərinin azad edilməsi xəbərinin yayılmasından bir neçə saat sonra əməliyyatın birbaşa Qüds Qüvvələri komandanı general Qasım Süleymanı tərəfindən istiqamətləndirilmiş olduğu bildirilib.

General Süleymani bölgənin azad edilməsi əməliyyatında şəxsən iştirak edib. Fatimiyyun briqadasının əməliyyat bölmələri, Sepahın hərbi məsləhətçiləri, Heydəriyyun və Zeynəbiyyun diviziyalarının iştirakı ilə bir neçə həftə öncə start götürən Əl-Bukamalın azad edilməsi əməliyyatı bir neçə saat öncə İŞİD-in Suriyadakı son istehkamının da ələ keçirilməsi ilə sona çatdı. 

Əl-Məyadin telekanalı da Suriyanın azad edilmiş Əl-Bukamal şəhərində general Qasım Süleymaninin iştirakını əks etdirən özəl görüntülər yayımlayıb. 

Qasım Süleymaninin Əl-Bukamal döyüşünə komandanlıq etməsi, amerikalıların hərbi toqquşmalar meydanına daxil olmalarından, Suriya ordusu və müttəfiqlərinin rabitə təchizatlarını parazitlərlə əngəlləmək cəhdlərindən sonra baş tutdu. Əldə olunan məlumatlara görə, Əl-Bukamal şəhərinin mühasirə planı və bu şəhərə doğru 3 istiqamətdən irəliləyiş layihəsi general Süleymaniyə aid olub və onun özü bu planın icrasında iştirak edib.