SAHAR

İran İslam İnqilabı Keşikçiləri Korpusunun komandanı deyib: Düşmənlər İran İslam Respublikasının məğlub olması arzusunu gora aparacaqlar.

General-polkovnik Məhəmməd Əli Cəfəri çərşənbə axşamı Cənubi Xorasan vilayətinin mərkəzi olan Bircənd şəhərində keçirilən 2000 şəhid konqresində etdiyi çıxışında düşmənin ölkədə gərginlik yaratmaq cəhdinə işarə edib və deyib: "Düşmənlər xalqı yormağa və İslam Respublikasını təslim olmağa məcbur etməyə çalışırlar. Amma, onlar buna nail ola bilməyəcəklər. 

Sepah-ın komandanı həmçinin deyib: Dünya imperializmi və zorakı qüdrətlər qarşısında müqavimət və mübarizə artıq region və dünyada yayılıb. 

General-polkovnik Cəfəri İslam Quruluşunun ən böyük nailiyyətini İslam Respublikası və İslam İnqilabınn davam etməsi adlandırıb və deyib: Şəhidlərin qanı İslam quruluşunun qalıcı olmasını və region və dünyada müqavimət yolunun güclənməsini təmin edir. 

General-polkovnik Cəfəri düşmənin İran İslam Respublikasının inkişafı və uğurlarını etiraf etdiyini deyərək, onların İran İslam Respublikasına qarşı mübarizə və təhdiddən naümid olduqlarını bildirib və əlavə edib: İslam İnqilabının formalaşdığı zamandan ABŞ və İslam Respublikası ilə müxalif olan digər düşmənlər daim uğursuzluğa düçar olublar.