SAHAR

İran İslam Respublikası prezidenti deyib: İran xalqı Allahın Rəsulu(s.ə.s)-in təlimlərinə riayət edərək, bəşəriyyətin düşmənləri qarşısında təslim olmadı və möhkəm dayandı.

Həsən Ruhani quruluşun məsul şəxsləri, islami ölkələrin səfirləri və xalqın müxtəlif təbəqələrinin səadətli məbəs bayramı münasibətilə İslam İnqilabının Böyük Rəhbəri ilə görüşündə xalq, dövlət, silahlı qüvvələr və ictimai orqanların son sel ilə mübarizədəki həmkarlığı və birliyinin əzəmətini Böyük İslam Peyğəmbəri(s.ə.s)-in nurlu yoluna söykənmənin digər bir nümunəsi adlandırıb və belə əlavə edib: Bu hadisədə Qırmızı Aypara Cəmiyyətinin hesablarını bağlayaraq, ölkə xaricindəki iranlıların yardımlar göndərmələrinə mane olmuş düşmənlər üzüqara oldular.

İran prezidenti deyib: Üzüqaralar hələ bir neçə ay bundan öncə Amerikada baş vermiş selin törətdiyi xəsarətlərin əvəzini çıxmağa qadir deyillər. Amma hamı görəcəkdir ki, əziz İranda xalq və məsul şəxslər bir-birinin kənarında dağıntıları yenidən tikəcəklər.

Ruhani İslam düşmənlərinin Qüdsə və Qolan yüksəkliklərinə qarşı fitnələri qarşısındakı müqaviməti İslam ümməti üçün mühüm bir nailiyyət adlandıraraq, əlavə edib: Qüds heç vaxt işğalçı rejimin paytaxtı olmayacaq və Qolan da Suriyadan ayrılmayacaqdır. Düşmənlər müsəlman xalqları qəsbkar və təcavüzkar rejim qarşısnda təslimə məcbur edə bilməyəcəklər.