Bu gün Tehranda 15-ci beynəlxalq su sənayesi sərgisi işə başlayıb.

Bu beynəlxalq sərgidə İtaliya, Almaniya, Çin, Macarıstan, Türkiyə və Tayvandan olan 260-dan çox xarici və iranlı şirkət iştirak edir.

Sərgidə metal qovşaqlar, boru, sənaye təchizatları, su və kanalizasiya üzrə sınaq təchizatları, ölçmə sistemləri, dəqiq və avtomasiya sistemləri, qovşaq və kranlar, sutəmizləyici aparatlar, polimer boru və qovşaqlara şamil olan su sənayesi və kanalizasiya təsisatları kimi ən son nailiyyətlər sərgiyə gələnlərə nümayiş etdirilir.

Bu gün işə başlamış 15-ci beynəlxalq su sənayesi sərgisi cümə axşamı gününədək davam edəcək.