SAHAR

İranın xarici işlər naziri və BMT-nin baş katibi telefonla regional və beynəlxalq olaylar barədə məşvərət ediblər.

SəhərAzəri-nin verdiyi məlumata görə, Bu telefon danışığında İranın xarici işlər naziri təyin edilməsi münasibətilə Hüseyn Əmir Abdullahiyanı təbrik edən Antonio Quterreş İran İslam Respublikasını BMT üzvləri arasında olduqca təsirli ölkə adlandırıb və İranın prezidenti və xarici işlər naziri ilə yaxın əməkdaşlığı alqışlayıb.

Əfqan didərginlərə səxavətlə ev sahibliyi etmək istiqamətində göstərdiyi səylərə görə, İrana minnətdarlıq edən Quterreş deyib ki, BMT bu istiqamətdə İrana dəstək vermək barədə üzərinə öhdəlik götürür.

Əmir Abdullahiyan da bu telefon söhbətində Əfqanıstanın hazırkı durumunun siyasi həlli üçün BMT baş katibi ilə həmkarlıq üzrə İranın hazırlığını vurğulayıb. Mühacirlərin yeni dalğasına əsasən, ciddi nigarançılıq ifadə edən İranın xarici işlər naziri BMT-dəki aidiyyəti təşkilatların bu istiqamətdə yardım göstərmələrinin vacibliyini vurğulayıb.