SAHAR

İranın Ermənistana yeni təyin olunmuş səfiri etimadnaməsini Ermənistan prezidentinə təqdim edib.

İran İslam Respublikasının Ermənistandakı fövqəladə və səlahiyyətli səfiri Mehdi Sübhani Ermənistan prezidenti Vaaqn Xaçaturyan ilə görüşdə ikitərəfli əlaqələrin daha da möhkəmləndirilməsi üçün maksimum səy göstərəcəyini vurğulayaraq, ümidvarlıq edib ki, hər iki tərəfin səmimi əməkdaşlığı sayəsində ikitərəfli əlaqələri daha da inkişaf etdirə biləcəklər. 

"İranla Ermənistan arasında münasibətlər çox dərindir və iki ölkənin əlaqələri genişləndirmək üçün böyük potensialı var", - deyə iranlı diplomat qeyd edib.

İran səfiri, həmçinin Ermənistan prezidentinin səmimi qəbulunu yüksək qiymətləndirib və əlavə edib: "İran İslam Respublikasının prezidenti Seyid İbrahim Rəisinin salamlarını sizə və dost Ermənistan xalqına çatdırmaqdan şərəf duyuram".

Ermənistan prezidenti  Xaçaturyan isə səfiri təbrik edib və son otuz il ərzində İranla dostluq əlaqələrinin Ermənistan Respublikası üçün əhəmiyyətinə toxunaraq, onun fəaliyyəti nəticəsində Ermənistanla İran arasında möhkəm münasibətlərin maksimum dərəcədə inkişaf edəcəyinə əminliyini bildirib.

Ermənistan prezidenti və İranın bu ölkədəki yeni səfiri, İran-Ermənistan münasibətlərində hökm sürən qarşılıqlı hörmət və etimada işarə edərək, İkitərəfli münasibətlərin möhkəmləndirilməsini regionda sülhün və sabitliyin qorunub saxlanmasında səmərəli hesab ediblər və xüsusilə yüksək texnologiyalar, infrastruktur layihələr və enerji sektorlarında əməkdaşlıq və birgə layihələrin həyata keçirilməsi imkanlarını müzakirə ediblər.