Rəisi: Təhdidlərə və sanksiyalara baxmayaraq, İran müxtəlif sahələrdə böyük irəliləyiş əldə edib
İran İslam Respublikası prezidenti deyib: "Bu gün İran İslam Respublikası təhdid və sanksiyalara baxmayaraq, müxtəlif sahələrdə, xüsusilə elm və texnologiya sahəsində böyük irəliləyiş əldə edib".
Seyid İbrahim Rəisi çərşənbə günü Düşənbədə Tacikistan Respublikasının prezidenti Emaməli Rəhmanla birgə mətbuat konfransı zamanı qeyd edib ki, İranın enerji, kənd təsərrüfatı, sənaye və mədənçıxarma sahələrində çox yaxşı imkanları və təcrübələri var və onları tacik xalqı ilə bölüşməyə hazırdır.
O, həmçinin deyib: "İran xalqı və gəncləri sanksiya və təhdidləri inkişaf fürsətinə çevirməkdə qərarlıdır. Bu nailiyyətlərin ölkə miqyasında son dərəcə diqqətəlayiq hala gəldiyini görürük".
Prezident Rəisi İran və Tacikistan arasında çoxlu mədəni ortaqlıqlara diqqət çəkib və deyib: "Bu ortaqlıqlar əsasında bir çox sahələrdə əməkdaşlıq qura bilərik və iki ölkənin mədəniyyət sektorlarını aktivləşdirməklə hər iki ölkə fars mədəniyyəti və ədəbiyyatının inkişafı kontekstində ciddi addımlar ata bilər".
Seyid İbrahim Rəisi mədəni sərvətləri mədəni təcavüzə qarşı mübarizə amili hesab edib və əlavə edib: "İran və Tacikistan ortaq bir mədəni sərvətə sahibdirlər və bu mədəni sərvətlərin iki ölkənin gənclərini bu təcavüz qarşısında qorumaq üçün inkişaf etdirilməsi lazımdır".
İran prezidenti, həmçinin sionist rejimin 33-cü gündür Fələstin xalqına qarşı həyata keçirdiyi bombardman və soyqırımı nəticəsində Qəzzə zolağında baş vermiş fəlakətli hadisələrə toxunub və deyib: "Bu hadisələr dünyadakı müsəlman xalqların qəlbində böyük kədər hissi yaradıb və dünyadakı bütün vicdanlı insanları məzlum Fələstin xalqının taleyi ilə bağlı kədərli və narahat edib".
Rəisi bununla bağlı əlavə edib: "Bizim daim vurğuladığımız şey Qəzzə xalqına qarşı hücumların dərhal dayandırılması və Zolaq daxilində soyqırım və uşaqların öldürülməsinə son qoyulmasıdır".
Tacikistan prezidenti İmaməli Rəhman da öz növbəsində Tehran və Düşənbə arasında əlaqələrin genişlənməsini alqışladıqlarını bildirib və deyib: "Müxtəlif sahələrdə əməkdaşlıq üçün sənədlərin imzalanması ikitərəfli münasibətlərin səviyyəsini yüksəldəcək".
Rəhman, həmçinin tarixi ortaqlıqlara və onların Tacikistan Respublikası ilə İran İslam Respublikası arasında əlaqələrin inkişafındakı müsbət roluna diqqət çəkib.
