SAHAR

İran xarici işlər naziri BMT baş katibinə və Təhlükəsizlik Şurasının sədrinə məktubda gerçəkliklərin Avropa üçlüyü tərəfindən təhrif olunması barədə xəbərdarlıq edib. Vurğulayıb ki, Təhlükəsizlik Şurası siyasi hoqqabazlıqların təsiri altına düşməməlidir.

İran İslam Respublikasının xarici işlər naziri Seyid Abbas İraqçı BMT-nin baş katibi Antonio Quterreşə, BMT Təhlükəsizlik Şurasının dövri sədrinə və şuranın üzvlərinə xitab etdiyi rəsmi məktubda Fransa, Almaniya və İngiltərənin xarici işlər nazirlərinin 2231 saylı qətnamə və nüvə anlaşmasının vəziyyəti barədəki 8 avqust 2025-ci il tarixli məktubunda irəli sürülən qeyri-düzgün iddialara reaksiya göstərilməsini istəyib.

Avropa üçlüyünün məktubunda reallıqların təhrif olunduğunu vurğulayan İraqçı, bu əməli “iki qanunsuz yola zəmin yaratmaq üzrə növbəti cəhd” adlandırıb. Xəbərdarlıq edib ki, belə bir yanaşma “Təhlükəsizlik Şurasının etibarı və birliyinin zəiflədilməsi”nə gətirib çıxara bilər.

İran xarici işlər naziri Avropa üçlüyünün “İran yalnız 2020-ci ilin iyulunda ixtilafların həll edilməsi mexanizmini fəallaşdırıb” kimi iddiasını rədd edib, zira, bu iddia, İranın kompensasiya tədbirlərini etibarsız göstərmək, hadisələrin gedişatını təhrif etmək məqsədi güdüb.

İraqçı qeyd edib ki: İran İslam Respublikası 10 may 2018-ci il tarixində rəsmi və sənədli şəkildə bu mexanizmi fəallaşdırdı. Onun ardınca da mayın 25-i və iyulun 6-da müvafiq olaraq siyasi başçılar və xarici işlər nazirləri səviyyələrində müştərək komissiyanın xeyli sayda iclası keçirildi. Bu proses, tamamilə İranın qanunu hüquqları və nüvə anlaşmasının 26 və 36-cı bəndləri çərçivəsində həyata keçirildi.