İrəvani:
İran heç vaxt təhdid və ya məcburiyyət altında danışıqlar aparmayacaq
İranın BMT-dəki səfiri və daimi nümayəndəsi Əmir Səid İrəvani üç Avropa ölkəsinin snapback prosesini başlatmat üçün atdığı “qeyri-qanuni” addımı qəbuledilməz hesab edib və bu hərəkətin nüvə sazişindəki mübahisələrin həlli mexanizmindən yan keçdiyini bildirərək, qeyd edib ki, İran diplomatiyaya sadiqdir, lakin heç vaxt təhdid və ya məcburiyyət altında danışıqlar aparmayacaq.
İranın BMT-dəki səfiri və daimi nümayəndəsi Əmir Səid İrəvani yerli vaxtla cümə günü jurnalistlərə verdiyi açıqlamada deyib: "Ötən gün üç Avropa ölkəsinin xarici işlər nazirləri BMT Təhlükəsizlik Şurasına məktub göndərmək və “snapback” adlanan prosesə istinad etməklə, sadəcə olaraq, İranı şantaj etmək və ona siyasi təzyiq göstərmək istədilər".
O, əlavə edib: "Eyni zamanda, Fransa və Britaniya da bu qeyri-qanuni, siyasi motivli hərəkətə haqq qazandırmaq və Şuranı İrana qarşı öz məqsədlərinə xidmət edən bir alətə çevirmək üçün Şuranın qapalı iclasının keçirilməsini istəyiblər. İclas yenicə yekunlaşıb".
Yüksək səviyyəli iranlı diplomat qeyd edib ki, görüşdən əvvəl burada iştirak edən və öz nöqsanlarına və nüvə sazişinə və 2231 saylı qətnaməyə ciddi riayət etməmələrinə göz yuman üç Avropa ölkəsinin nümayəndələri əsassız ittihamları təkrarladılar. Bu, mövcud faktları təhrif etmək və onların siyasi hərəkətlərini qanuniləşdirmək üçün növbəti ümidsiz və aldadıcı cəhd idi.
İravani davamında vurğulayıb: "İran İslam Respublikası Fransa, Almaniya və Britaniyanın "snapback" prosesinin başlandığını elan etmək üçün atdığı qeyri-qanuni hərəkəti qəti şəkildə rədd edir və pisləyir. Bu hərəkət Birgə Hərtərəfli Fəaliyyət Planının mübahisələrin həlli mexanizmindən yan keçir. Bu, ləğv edilmiş qətnamələrin dirçəldilməsi üçün qanunsuz cəhd və 2231 saylı qətnamənin açıq-aşkar pozulmasıdır".
"Üç Avropa ölkəsinin "sanksiyaların geri qayıtması" deyilən üsula əl atmaq üçün heç bir hüquqi və mənəvi mövqeyi yoxdur. Onların snapback prosesinin başlanması ilə bağlı açıqlamaları kökündən etibarsızdır", - deyə İrəvani əlavə edib.
İranın BMT-dəki səfiri vurğulayıb: "İran diplomatiyaya sadiqdir, lakin heç vaxt təhdid və ya məcburiyyət altında danışıqlar aparmayacaq. Təzyiq taktikası problemləri həll etmək üçün deyil, diktələr tətbiq etmək üçün nəzərdə tutulub və İran heç vaxt onlara tabe olmayacaq".
