İran xarici işlər naziri bəyan edib ki, ABŞ-nin İrana qarşı tətbiq etdiyi birtərəfli sanksiyalar və məcburi tədbirlər "iqtisadi terrorizm"in bariz nümunəsidir.

İran İslam Respublikasının xarici işlər naziri Seyid Abbas Əraqçi "Qlobal İnkişaf Təşəbbüsü" üzrə keçirilən yüksək səviyyəli iclasa çıxışı zamanı beynəlxalq əməkdaşlıqda inkişaf məsələsinə diqqətin artırılmasının vacibliyini vurğulayıb. O, ABŞ-nin İrana qarşı məcburi siyasətlərini və hərbi təcavüzlərini ölkələrin tərəqqisi və rifahı qarşısında duran ən böyük maneələrdən biri kimi qiymətləndirib. Əraqçi bildirib: "ABŞ-nin İrana qarşı birtərəfli sanksiyaları və məcburi tədbirləri iqtisadi terrorizmin bariz nümunəsidir; Bu tədbirlər ticarət və maliyyə resurslarını məhdudlaşdırmaqla birbaşa vətəndaşların dolanışığını və sağlamlığını hədəf alır". Müharibə və təcavüz şəraitində davamlı inkişafın mümkün olmadığını qeyd edən Əraqçi vurğulayıb ki, ABŞ və sionist rejimin İranın mülki infrastrukturuna – o cümlədən məktəblərə və elmi mərkəzlərə –hərbi hücumları beynəlxalq hüququn və BMT Nizamnaməsinin kobud şəkildə pozulmasıdır.