Xəbər portalının rəhbəri saxlanılıb
“azadinfo.az” MMC-nin təsisçisi Ələkbərov Mahir Məmmədhəsən oğlu həbs edilib.
SəhərAzəri-nin Baş Prokurorluğun Mətbuat Xidmətinə istinadən verdiyi məlumata görə,Baş prokuror yanında Korrupsiyaya qarşı Mübarizə Baş İdarəsi tərəfindən əməliyyat-axtarış tədbirləri nəticəsində “azadinfo.az” saytının təsisçisi Mahir Ələkbərov saxlanılıb.
Saxlanılma səbəbi barədə deyilənlərə görə, Mahir Ələkbərov 8 sentyabr 2021-ci il tarixdə «azadinfo.az» xəbər paylaşım platformasında YAP-ın Binəqədi rayon təşkilatının sədri vəzifəsini icra edən Ramiz Göyüşovun barəsində qeyri-etik videogörüntülərin xəbər saytlarında yayacağını bildirib və təhdidin qarşılığını ala bilmədiyi üçün rüsvayedici materialı video çarx formasında “azadinfo.az” xəbər portalında 8 sentyabr 2021-ci il tarixdə qəsdən yayıb, həmin məlumatların yayılmasının qarşısının alınması üçün sonuncunun özü ilə görüşməsinə nail olaraq, videogörüntülərin qeyd edilən səhifədən silinməsi məqsədilə 2 min manat məbləğində pulu alarkən cinayət başında yaxalanıb.
Hazırda cinayət işi üzrə istintaq davam etdirilir.