SAHAR

İranın Gilan ostanının Astara rayonunun icra başçısı İran ilə Azərbaycan Respublikası dəmir yolu şəbəkələrinin birləşdirilməsi layihəsinin icrası istiqamətində bu rayonda dəmiryolu reyllərinin quraşdırılması əməliyyatının başlanmasından xəbər verib.

İRNA-nın verdiyi məlumata görə, Yunis Rənckeş bu gün Astara rayonunun Baxçasara kəndi ərazisində reyllərin quraşdırılması əməliyyatına baxış keçirərkən deyib: Bu milli layihənin təkmillərşdirilməsi və Rəşt marşrutuna birləşdirilməsi ilə Şimal-Cənub dəhlizinin bir hissəsi fəaliyyətə başlayacaq. 

Azərbaycan və İran İslam Respublikası dəmiryolu şəbəkələrinin birləşdirilməsinə dair razılaşma sənədi 2015-ci il oktyabrda İran-Azərbaycan iqtisadi əməkdaşlıq komissiyasının Astarada keçirilən iclasında imzalanmışdır. 

Şimal-Cənub koridoru layihəsinin icrası ilə, Xəzərin şimal ölkələri İran vasitəsi ilə Fars körfəzinə, İran isə bu ölkələrə və onların vasitəsi ilə Avropaya qovuşacaq. 

Şimal-Cənub dəmiryolu dəhlizi  Bəndər Abbas-Qəzvin, Qəzvin-Rəşt, Astara-Astara, oradan isə Rusiya və şimali Avropa ölkələrinin  marşrutlarından ibarətdir.