NATO quru qoşunları komandanlıq qərargahı rəisi Bakıya olan səfəri zamanı Azərbaycanın müdafiə naziri general Zakir Həsənov ilə görüşüb.

İRİB-nin Bakıdan verdiyi məlumata görə, Erhan Uzun ilə Zakir Həsənov arasında baş tutan görüşdə NATO-Azərbaycan əməkaşlıqları, Azərbaycanın NATO-nun sülh naminə tərəfdaşlıq proqramlarında iştirakı və rolu, təhlükəsizlik məsələləri, regionun siyasi-təhlükəsizlik durumu və digər məsələlər barədə danışıqlar aparılıb. 

Erhan Uzun Azərbaycan silahlı qüvvələrinə NATO standartları əsasında keçilən təlimlərin gedişi ilə yaxından tanış olmaq üçün Bakıya səfər edib.