Kütləvi İnformasiya Vasitələri Azərbaycan Respublikası paytaxtı Bakı şəhərində Respublika Narkoloji Dispanserində baş verən yanğın nəticəsində azı 20 nəfərin həlak olduğunu bildiriblər.

Frans Pressin məlumatına görə, Azərbaycan Respublikası Baş Prokurorluğu bildirib: Cümə günü Bakı şəhərində Respublika Narkoloji Dispanserində baş verən yanğın nəticəsində 25 nəfər dünyasını dəyişib.

Halbuki bundan öncə bəzi kütləvi informasiya vasitələri yanğın nəticəsində həlak olanların sayını 30 nəfər elan etmişdilər.

Məlumata əsasən, Narkoloji Dispanserdə müalicə alan pasiyentlər yanğından qaça bilməyiblər.

Yanğının baş verməsinin əsas səbəbi elan olunmayıb. Lakin bəzi şahidlərin dediyinə görə, elektrik cərəyanındakı nöqsan yanğına səbəb olub.

2015-ci il may ayında da Bakıda çoxmərtəbəli bir binada baş verən yanğın nəticəsində 15 nəfər dünyasını dəyişmişdi.