Azərbaycan Respublikası ordusunun hava qüvvələrinin Xəzər dənizi sularına süqut etmiş "Miq-29" qırıcısının axtarışında xarici qüvvələrdən və modern texniki təchizatlardan istifadə olunur.

Azərbaycan Respublikası müdafiə nazirliyinin informasiya portalı bildirib ki, İyulun 24-də Xəzər dənizi suları üzərində gecə təlimi uçuşu zamanı süqut etmiş Azərbaycan Respublikası ordusunun hava qüvvələrinin "Miq-29" qırıcısının axtaış əməliyyatında Türkiyənin mütəxəssis qüvvələri, modern sualtı robotlar, həmçinin peşəkar dalğıclar iştirak edirlər.

Həmçinin axtarış sahəsində bacarıqları artırmaq üçün Azərbaycan Respublikasındakı məsul orqanların texniki vasitələri və çoxlu sayda gəmidən istifadə olunur.