Bu gün sosial şəbəkə və xəbər saytlarında Bakı Metropoliteninin metro qatarlarından birinin vaqonunda polis əməkdaşları ilə bir neçə vətəndaş arasında mübahisə yarandığını əks etdirən videogörüntü paylaşılıb.

SaharAzeri APA-ya istinadən xəbər verir:Daxili İşlər Nazirliyinin Mətbuat Xidmətinin rəisi Ehsan Zahidov bildirib ki, Metro qatarında tibbi maskadan istifadə etməyən bir neçə sərnişindən bu qaydalara riayət olunması tələb edildikdə onlar polisin  tələbinə olmayaraq mübahisəli vəziyyət yaradıblar, həmin şəxslərdən bir neçəsi artıq saxlanılıb, barələrində müvafiq tədbirlər görülüb. Digərlərinin də müəyyən edilərək saxlanması üçün tədbirlər davam etdirilir.